|
批黃之鋒八大都考唔到 斥網民憎人富貴 | 98,385 | 最後更新: 1220 00:44 / 建立時間: 1219 19:56 |
藝人陳百祥（阿叻）在無綫節目《網絡挑機》，與網絡紅人對質，引來不少批評；他在港台今晚播出的節目《我係乜乜乜》中，更形容大部分網民「讀壞書」、憎人 富貴厭人窮，嘲諷網民「考到12條A就話你叻」，又批評修讀公開大學的學民思潮召集人黃之鋒「八間大學都考唔到，我點話你叻呀？」
黃之鋒在facebook專頁回應時，認為考不上八大沒有問題，反諷「陳百祥無讀大學兼會考得13分，咪照樣做咗一線藝人」、「就算你覺得我廢青無出息乜都好，我叻唔叻根本唔係由你判斷，亦唔需要向你交待，只要我向到自己負責咪得」。
陳百祥又在節目指，如果自己今天「後生啲」，可能有機會當上facebook創辦人，若是更年輕的「90後」，則更有機會做特首。特首梁振英日前在傑青頒獎禮致辭時，指自己願意與今天的中學生互換角色，認為若自己今日是中學生，將有更大發揮。
【網民點睇】
犀利光：無能嘅人先會自大
Yavniel Yau：係啲知識貧乏同智慧缺失嘅人，先會用呢啲去衡量一個人嘅成敗
Richard Shum Lasso Leung：陳百祥有幾叻？叻就唔使破兩次產啦
William Ngan：689當年同樣考唔入大學，又唔見陳百祥話689廢 
|
