■林榮基指今日遊行為香港，也為自己。何家達攝

【本報訊】自梁振英4年前當選特首開始，香港人權、民主、自由、法治情況不斷沉淪，赤化越來越嚴峻，早前銅鑼灣書店前店長林榮基大爆內地跨境執法內幕，令 港人更加心寒。民陣今發起決戰689、守護香港7.1大遊行，表明要用行動踢走梁振英。今首次參加7.1、帶領遊行隊伍的林榮基直言，當日受今年初 6,000人上街鼓勵而挺身揭中共惡行，希望港人相信「行出嚟係有用嘅」，今上街將無能的梁振英趕下台，為香港創造歷史。記者：林俊謙　陳雪玲　呂浩然

民陣今日以「決戰689團結一致守護香港」發起7.1大遊行，下午2時起在維園集會，3時正出發，因應早前發生迷你倉四級火致兩消防員殉職，遊行會加入要 求政府盡快公開救火部署的訴求。今次遊行一反以往由團體或不同階層帶領遊行的做法，改由曾遭內地無理拘禁的3名港人，包括銅鑼灣書店前店長林榮基、程翔和 劉山青領軍。

■今年遊行主題為「決戰689　團結一致　守護香港」；圖為去年7.1遊行。

受6,000人上街感動站出來

林榮基遊行前夕接受本報訪問，坦言自己過去亦是營營役役的香港人，但認為再忙，亦不是對身邊事冷漠的藉口，直言關心香港的人，今年7.1更加要上街，「今 年7.1我上街，係因為想呼籲關心香港嘅人，當佢睇到我哋出版言論自由收窄嘅時候，應該行出嚟」。他又批評梁上任4年從未為港人做事，「呢個梁特首非常無 能，為香港人做唔到嘢」，認為今年7.1上街「係為香港，亦為自己」。
對於近年不少人指7.1遊行無用，林以自己為例，當日鼓起勇氣揭中共惡行， 正是受到今年初6,000名上街聲援他的市民所感動，認為市民「行出嚟係有用嘅」，「（遊行）效果唔係兩、三個月發生，我總覺得你每一次行出嚟，關於香港 嘅事，香港新聞會報道，有人會談論，其實呢件就係香港歷史，如果香港人都唔參與，呢個歷史係冇意思」，直言「香港人要盡本份去做」。

■程翔（左）及劉山青（右）均為今年遊行的領軍人物。

曾被中共囚禁長達10年的香港社運人士劉山青認為，銅鑼灣書店事件凸顯「大陸踩隻腳落嚟港（的情況）越嚟越嚴重」，「呢件事可以發生喺每一個香港人、普通 市民身上，大家更加應該走出嚟，對北京政府說『不』」。
而2005年因間諜罪在內地監禁兩年多的新加坡《海峽時報》前中國首席特派員程翔亦指，梁振英治港4年，香港「兩制」空間越縮越窄，認為港人今日要上街反梁連任，「香港人最珍惜嘅自由同安全，現時已響起咗警鐘，我哋應該及早行出嚟，表達對呢種情況嘅不滿」。
今日會再次參加7.1遊行的民主黨創黨主席李柱銘表明，「如果要繼續爭取民主，今日一定要行出嚟，你自己都唔行出嚟，人哋點會知你要唔要民主？」他認為透過7.1上街，中共才會真正明白香港人對梁振英有何看法。

■泛民議員呼籲今遊行表達港人對人身安全的關注，並為梁振英連任「敲起喪鐘」。

何韻詩fb呼籲七一街上見

除政界外，藝人何韻詩也在facebook發文呼籲上街：「當身處最壞的時候，更要團結一致。明天七一，街上見。」而正服刑的全國政協前委員劉夢熊，昨日 則透過親筆信，提出包括梁收取澳洲公司UGL5,000萬元巨款後無申報等5個「政治彈藥」，呼籲市民7.1上街反梁。