新華社及中聯辦上月公佈，今次駐港解放軍「義工」救災事件，是中聯辦主任王志民（圖）「發起倡議」。

新華社及中聯辦於10月14日公佈，今次駐港解放軍「義工」救災事件，是中聯辦主任王志民（圖）「發起倡議」，有法律界人士及時事評論員斥中聯辦明顯違憲，指中聯辦繞過香港特區政府「調動」駐港解放軍，是想替代港府的管治角色。

根據新華社當日引述王志民指今次「發起倡議」，因「我們在香港工作生活，應積極履行市民義務、踐行融合香港社會和『與香港同行』，與香港市民『行埋一起』的職命使命」。

或跟內地「軍民共建」風

熟悉內地解放軍指揮系統的程翔指出，今次一定不是駐港部隊自把自為決定做義工救災，一定有來自中央軍委的命令，「喺中國嚟講，軍隊調動，哪怕好短距離嘅移動，都要中央軍委落命令」。他相信今次是中聯辦向中央軍委提出建議，「中聯辦越俎代庖，代香港特區政府申請解放軍出動，法律上中聯辦係冇呢嗰憲政角色去做呢件事」。

他估計中聯辦以軍民共建為由說服中央軍委，「軍民共建喺大陸好興，中央軍委覺得OK，咁就去咯，但佢哋冇考慮到呢樣嘢唔符合香港法律程序，只係考慮中聯辦有呢嗰建議，而呢嗰建議亦好，一方面可幫助救災，一方面又可增加解放軍嘅軍民融合」。

他直指，中聯辦繞過特區政府調動軍隊，將軍隊調動啟動程序不知不覺間由特區政府轉移到中聯辦，嚴重侵犯特區政府的權責，更樹立危險先例，他認為一定要追究中聯辦違憲責任，「重點係要抓住誰啟動調兵出營，咁樣符不符合《基本法》或《駐軍法》，而唔係應不應該，可不可以，或者有沒有必要等枝節問題」。

資深大律師梁家傑表示，如報道屬實，作為中央人民政府駐港代表竟不明白《駐軍法》，中聯辦必須被問責，「王志民係咪誤解《駐軍法》？唔明白香港人嘅情緒？」他指，香港回歸之初，中聯辦主任連農曆新年舞獅活動都拒絕出席，「佢哋理由係香港緊張中聯辦官員不可招搖過市，20年前你有呢種敏感度，20年後點會冇咗呢？係你故意抑或乜嘢？我相信答案已經寫在牆上」。

本身是律師的支會主席何俊仁亦認為今次中聯辦明顯違憲，指中聯辦越來越明顯想擔任管治角色，「有好多嘢以往係暗地做，但現在越來越明目張膽」。

記者 謝明明